ក្រុមហ៊ុនហ្កា អុី យ៉ា

គ្លូប៊ល អេកសិន ហ្វរ អុិនវ៉ាយរិនម៉ិន អេវែរណេស ផាប់ប្ល៊ីក លីមីធីត ខមភេនី

ក្រុមហ៊ុនគ្រប់គ្រងកាកសំណល់រឹង

ហ្កា អុី យ៉ា ត្រូវបានបង្កើតឡើងក្នុងឆ្នាំ២០០៧ ជាមួយគោលបំណងដើម្បីក្លាយជាក្រុមហ៊ុនគ្រប់គ្រងកាកសំណល់ ឈានមុខគេនៅក្នុងប្រទេសដែលផ្តោតលើការគ្រប់គ្រងបរិស្ថាន និងការលើកកម្ពស់សេដ្ឋកិច្ចចក្រា។

ហ្កា អុី យ៉ា អនុវត្តការគ្រប់គ្រងការប្រមូល សម្អាត និងចោលសំរាម សំណល់រឹងទីប្រជុំជនក្នុងក្រុងធំៗចំនួនពីរនៅកម្ពុជា គឺរាជធានីភ្នំពេញ និងខេត្តសៀមរាប ព្រមទាំងខេត្តកំពង់ធំ និងខេត្តបន្ទាយមានជ័យ ។

ចក្ខុវិស័យ៖ ក្លាយជាក្រុមហ៊ុនឈានមុខគេក្នុងការគ្រប់គ្រងសំណល់ ប្រកបដោយនិរន្តរភាព តាមរយៈការអនុវត្ត ដំណោះស្រាយប្រកបដោយន័យប្រឌិត ដែលការពារបរិស្ថាន លើកកម្ពស់សុខុមាលភាពសហគមន៍ និងលើកកម្ពស់សេដ្ឋកិច្ចចក្រា។

បេសកកម្ម៖ ផ្តល់សេវាកម្មគ្រប់គ្រងកាកសំណល់ប្រកបដោយប្រសិទ្ធភាព និងភាពជឿជាក់ទទួលខុសត្រូវចំពោះបរិស្ថានការកាត់បន្ថយកាកសំណល់ការកែច្នៃឡើងវិញបន្ថែមទៀតនឹងធ្វើការក្នុងភាពជាដៃគូជាមួយសហគមន៍លើអាជីវកម្មដើម្បីបង្កើតអនាគតមួយដែលស្អាត និងស្រស់បំព្រងជាងមុន។

គុណតម្លៃ៖ (សូហ្វី)

• ភាពខ្លាំងចេញពីគំនិតចម្រុះជាតិសាសន៍

• ការបើកចិត្តទទួលយកមតិយោបល់ផ្សេងៗ

• សេរីភាពដោយការទទួលខុសត្រូវ

• គំនិតច្នៃប្រឌិតប្រកបដោយនវានុវត្តន៍

• គំនិតជាសហគ្រិន។

ការកែលម្អ

ចាប់តាំងពីខែមករា ឆ្នាំ២០១៦ ក្រុមហ៊ុនកំពុងឆ្លងកាត់ការរៀបចំអង្គភាពឡើងវិញជាមួយនឹងគោលបំណងធំៗចំនួនពីរគឺ៖ ទីមួយ ធ្វើឱ្យមានស្តង់ដារនៃដំណើរការរបស់ខ្លួន ដើម្បីបម្រើអតិថិជនរបស់ខ្លួនឱ្យកាន់តែប្រសើរឡើង ទីពីរ កាត់បន្ថយផលប៉ះពាល់លើបរិស្ថានដោយស្នើឱ្យអនុវត្តការចោលប្រកបដោយនិរន្តរភាព និងការសង្គ្រោះកាកសំណល់។

សេវាកម្មរបស់យើង

ការប្រមូលសំរាមរឹងទីប្រជុំជន

ក្រុមហ៊ុនហ្កា អុី យ៉ា កំពុងប្រមូលសំណល់រឹងទីប្រជុំជន ពីគ្រួសារ និងរាល់អាជីវកម្មដែលមានកិច្ចសន្យាប្រមូលសំរាមជាមួយនឹងក្រុមហ៊ុន ហ្កា អុី យ៉ា ក្នុងក្របខ័ណ្ឌអាជ្ញាប័ណ្ណរបស់រាជរដ្ឋាភិបាល។ ក្រុមហ៊ុនហ្កា អុី យ៉ា ទទួលខុសត្រូវក្នុងការប្រមូលកាកសំណល់ដែលត្រូវបានវេចខ្ចប់ដាក់យ៉ាងល្អនៅក្នុងធុងសំរាម ហើយមិនទទួលខុសត្រូវចំពោះការប្រមូលប្រភេទកាកសំណល់សំណង់ កាកសំណល់តាមសួនច្បារ កាកសំណល់ឧស្សាហកម្ម។ ទោះជាយ៉ាងណាក៏ដោយ ក្រុមហ៊ុនហ្កា អុី យ៉ា អាចផ្តល់សេវាកម្មពិសេសតាមការស្នើសុំ ដូច្នេះកុំស្ទាក់ស្ទើរក្នុងការទាក់ទងមកយើង។

សេវាកម្មបន្ថែម

ក្រុមហ៊ុនហ្កា អុី យ៉ាកំពុងផ្តល់សេវាកម្មបន្ថែមដល់អតិថិជនរបស់ខ្លួនដូចជា៖

• ការលក់ធុងសំរាម

• ការយកបន្ថែមសម្រាប់ការចោលកាកសំណល់ដែលមិនកើតឡើងវិញ (ឧទាហរណ៍៖ ក្នុងដំណាក់កាលសាងសង់ ឫបន្ទាប់ពីកាត់ដើមឈើ និងស្មៅ) ដោយប្រើប្រាស់ធុងចំណុះ ៨ ម៉ែត្រគូបសម្រាប់ការដឹកជញ្ជូនសំរាម។

• សេវាកម្មសម្អាតបន្ថែមសម្រាប់ព្រឹត្តិការណ៍ពិសេស (ការប្រគុំតន្ត្រី, ពិព័រណ៍នានា) យើងយកឱកាសនេះដើម្បីរំលឹកអតិថិជនរបស់យើងថាការទូទាត់ទាំងអស់គួរតែត្រូវបានធ្វើបន្ទាប់ពីទទួលបានវិក្កយបត្រពីក្រុមហ៊ុនហ្កា អុី យ៉ា ប៉ុណ្ណោះ

ទំនាក់ទំនង

ការតម្រៀប ការកែច្នៃឡើងវិញ និងការធ្វើជីកំប៉ុស

បច្ចុប្បន្ន ក្រុមហ៊ុនហ្កា អុី យ៉ា កំពុងធ្វើការលើគម្រោងសាកល្បងសម្រាប់ការកែច្នៃឡើងវិញ៖

• ធ្វើជាជីកំប៉ុសនៃអាហារសរីរាង្គដែលប្រមូលមកពីតាម ផ្សារ និងភោជនីយដ្ឋានជាដើម

• ការកិន ដប កែវ និងកញ្ចក់ទៅជាល្បាយខ្សាច់

• ការកែច្នៃដបប្លាស្ទិក និងប្រភេទក្រដាស់អុីសូឡង់។

ទំនួលខុសត្រូវលើបរិស្ថាន និងសង្គម

ការកែលម្អលក្ខខណ្ឌការងារ សុខភាព និងសុវត្ថិភាព

គ្រឿងបរិក្ខារកន្លែងធ្វើការថ្មីរបស់ក្រុមហ៊ុនហ្កា អុី យ៉ាផ្តល់ជូនដល់លក្ខខណ្ឌការងារប្រកបដោយផាសុកភាពរបស់បុគ្គលិកទាំងអស់ និងគោរពស្តង់ដារសុខភាព និងសុវត្ថិភាព។ គ្រឿងបរិក្ខារសម្រាប់បុគ្គលិកមានដូចខាងក្រោម៖ អាហារដ្ឋាន បោកគក់ បន្ទប់ផ្លាស់ប្ដូរ ឱសថស្ថាន លំនៅដ្ឋានសម្រាប់កម្មករ និងបុគ្គលិក។ រោងជាងជួសជុល និងថែទាំមានឧបករណ៍ និងឧបករណ៍ចាំបាច់ទាំងអស់ដើម្បីឱ្យដំណើរការតាមស្តង់ដារ សុខភាព និងសុវត្ថិភាព។ ក្រុមហ៊ុនហ្កា អុី យ៉ា ក៏កំពុងធានាសុវត្ថិភាពរបស់កម្មករនៅលើផ្លូវផងដែរដោយសារឯកសណ្ឋាន,អាវពណ៌លឿងសុវត្ថិភាព,កោណ(សញ្ញា)សុវត្ថិភាពផ្លូវចរាចរណ៍។ល។

បរិស្ថានជុំវិញការិយាល័យត្រូវបានថែរក្សាការពារបានយ៉ាងល្អ តាមរយៈការដាំរុក្ខជាតិតាមរបងធ្វើឱ្យមានពណ៌បៃតង មានដូចជាការដាំដើមឫស្សី ដើមចេក និងបន្លែផ្សេងៗ និងរីឯប្រព័ន្ធទឹកប្រើប្រាស់វិញ គឺត្រូវបានបង្ហូរ និងព្យាបាលដោយប្រព័ន្ធបន្សុទ្ធទឹកត្រឹមត្រូវ។

ការលើកកម្ពស់ពីការយល់ដឹងអំពីបរិស្ថាន

ក្រុមហ៊ុនហ្កា អុី យ៉ា កំពុងសហការជាមួយរាជរដ្ឋាភិបាល និងអង្គការក្រៅរាជរដ្ឋាភិបាល ដើម្បីលើកកម្ពស់ការយល់ដឹងអំពីបរិស្ថានដល់សហគមន៍ តាមរយៈកម្មវិធីអប់រំ សកម្មភាពសម្អាត និងការបណ្តុះបណ្តាល ដោយផ្តោតជាអាទិភាពលើសាលារៀនសាធារណៈ និងតាមបណ្ដាភូមិក្រីក្រ។ ការយល់ដឹងត្រូវបានលើកឡើងអំពីការពិតដែលថាការចោលសំរាម និងការដុតសំរាមកំពុងប៉ះពាល់ដល់បរិស្ថាន និងសុខភាពមនុស្ស។ ដំណោះស្រាយជំនួសចំពោះប្លាស្ទិកប្រើតែម្តងត្រូវបានស្នើឡើង ការបណ្តុះបណ្តាលត្រូវបានផ្តល់អំពីរបៀបតម្រៀប កែច្នៃកាកសំណល់ និងរបៀបវេចខ្ចប់កាកសំណល់ឱ្យបានត្រឹមត្រូវទៅក្នុងធុងសំរាម។